US Khabar
  • विनोद चौधरी फेरी पनि विश्वव्यापि धनिको सूचीमा: भारत बाहेक दक्षिण एसियामा नै एक्लो धनाड्य

    - us khabar | १ महिना पहिले प्रकाशित

    विनोद चौधरी फेरी पनि विश्वव्यापि धनिको सूचीमा: भारत बाहेक दक्षिण एसियामा नै एक्लो धनाड्य

    विनोद चौधरी विश्वव्यापि धनाड्यको सूचीमा पर्न सफल भएका छन् । विश्वभरका धनीहरुको सूची प्रकाशन गर्ने फोर्ब्सको डलर अर्बपतिहरुको सूचीमा नेपालका विनोद चौधरीको नाम सार्वजनिक गरेको हो ।

    सुची अनुसार यो बर्ष विनोद चौधरी भारत बाहेक दक्षिण एसियाली देशहरुमा नै धनि व्यक्तीका रुपमा रहेका छन् । यो पटक विश्व धनाड्य सुचीमा दक्षिण एसियाबाट नेपाल र भारत मात्र परेका छन् । जसमध्य नेपालबाट विनोद चौधरी डलर अर्बपति घोषित भएका छन् ।

    फोर्ब्सका अनुसार नेपालका एक मात्र डलर अर्बपति विनोद चौधरीको सम्पत्ति १.५ अर्ब डलर रहेको छ । गत बर्ष १.४ अर्ब डलर रहेको सम्पत्ती यो बर्ष दस करोड डलरले वृद्धि भएर १.५ अर्ब पुगेको हो ।

    सन् २०१३ देखि अर्बपतिहरुको सूचीमा निरन्तर रहँदै आएका व्यवसायी चौधरी फोर्ब्सको सूचीमा १९२९ नम्बरमा रहेका छन् । नेपाल र भारत बाहेक दक्षिण एसियाका अन्य मुलुकहरु भुटान, श्रीलंका, पाकिस्तान, बंगलादेश, माल्दिभ्स र अफगानिस्तानका कुनैपनि व्यवसायी यो बर्ष अर्बपतिको सूचीमा परेका छैनन् ।

    आफु संगै हरेक नेपाली धनी भएको हेर्न चाहने चौधरी नेपाली कांग्रेसका केन्द्रीय एवम् प्रतिनिधिसभाका सदस्य समेत हुन् ।

    सार्वजनिक सुची अनुसार अमेरिका सूचीको सबैभन्दा माथि रहेको छ । अमेरिकामा अर्बपतिहरुको संख्या ७ सय ३५ रहेको उल्लेख छ ।

    यस्तै उक्त सूचीअनुसार दक्षिण एसियाको अर्को मुलुक छिमेकी भारत विश्वका धेरै अर्बपति रहेको मुलुकमध्ये तेस्रो भएको छ । भारतमा १ सय ६६ अर्बपति रहेका छन् भने अर्को छिमेकी चीनमा ५ सय ३९अर्बपति छन् ।

    प्रतिक्रिया

    " data-width="100%" data-numposts="5">
    error: Content is protected !!