US Khabar

पेट्रोल र डिजेलको मुल्यमा भारी गिरावट

- US KHABAR | २ महिना पहिले प्रकाशित

पेट्रोल र डिजेलको मुल्यमा भारी गिरावट

आज बसेको मन्त्री परिषद्को बैठकले पेट्रोलियम पदार्थको मूल्य घटाउने निर्णय गरेको छ । पेट्रोलियम पदार्थको चरम मूल्य बृद्धि भएपछि सरकारको ब्यापक बिरोध भैरहेको थियो ।

मूल्य घटाइएको बारे उद्योग तथा आपुर्ति मन्त्रालयमा आयोजित पत्रकार सम्मेलनमा आपूर्तिमन्त्री दिलेन्द्र बडुले पेट्रोलमा २० रुपैयाँ र डिजेलमा २९ रुपैयाँ मूल्य घटेको बताउनुभयो । उहाँले सरकारले पेट्रोलियम पदार्थमा लाग्दै आएको कर घटाएर मूल्य घटेको बताउनुभयो ।

सरकारले अन्तर्राष्ट्रिय बजारमा किन्ने मूल्यमा भने कुनै कमी नआएको उहाँले बताउनु भयो । अब पेट्रोल एक लिटरको १७९ र डिजेल १६३ रुपैयाँ पुगेको छ । घटेको मूल्य आजै राति १२ बजेदेखि लागू हुने निगमले जनाएको छ ।

सत्ता गठबन्धनको आज बसेको बैठकमा पेट्रोलियम पदार्थको मूल्य घटाउने सहमति भएको थियो । सोही सहमति अनुसार सरकारले पेट्रोलिय पदार्थमा लागेको कर कम गरेर पेट्रोलियम पदार्थको मूल्य घटाएको हो ।

अत्याधिक कर लगाएर जनतालाई मारमा पारेको भन्दै सर्बत्र आलोचना भएपछि सरकार बाध्य भएर मुल्य घटाउने निर्णयमा पुगेको हो ।

प्रतिक्रिया

" data-width="100%" data-numposts="5">
error: Content is protected !!