US Khabar

हत्या आरोपमा मुछिएकि मेयर अम्बिका चलाउने बिरुद्ध मुद्दा नचलाउने

- US KHABAR | ५ महिना पहिले प्रकाशित

हत्या आरोपमा मुछिएकि मेयर अम्बिका चलाउने बिरुद्ध मुद्दा नचलाउने

काठमाण्डौं । हत्या आरोपमा मुछिएका पञ्चदेवल विनायक नगरपालिकाका मेयर अम्बिका चलाउने बिरुद्ध मुद्दा नचल्ने भएको छ ।

पन्चदेवल विनायक नगरपालिका–४ का १५ वर्षीय विनोद शाहीको हत्या आरोपमा मेयर चलाउने र १२ जना नेता, कार्यकर्ताको नाममा गत जेठ २६ गते किटानी जाहेरी दर्ता भएको थियो । छानविन पछि मेयर चलाउने हत्यामा संलग्न भएको कुनै पनि प्रमाण नभएको पाइएपछि मेयर अम्बिकामाथि मुद्दा नचल्ने निर्णय भएको सरकारी वकिल कौशल ढुंगानाले जानकारी दिए ।

त्यस्तै अन्य दुई जनामाथि पनि मुद्दा नचल्ने भएको छ । नेत्रबहादुर शाही र रामबहादुर शाही पनि हत्यामा संलग्न भएको कुनै पनि प्रमाण नभएको ढुंगानाले जानकारी दिए । घटनामा तीनै जनाको संलग्नता भएको कुनै प्रमाण नभएको प्रतिवेदन फाइल सरकारी वकिल कार्यालयमा बुझाएको थियो ।

मुलुकी अपराधसंहिता २०७४ को दफा ३१ अनुसार प्रमाण नपुगेको भन्दै सरकारी वकिल कौशल ढुंगानाले मुद्दा नचल्ने निर्णय गरेका हुन् ।

प्रतिक्रिया

" data-width="100%" data-numposts="5">
error: Content is protected !!