नेपाल कम्युनिस्ट पार्टी (नेकपा) ले भोली कम्युनिस्ट पार्टीको ७०औँ स्थापना दिवस भव्य रुपमा मनाउने भएको छ ।तत्कालीन एमाले र माओवादी केन्द्रीबीच पार्टी एकीकरण भएपछि पहिलो पटक कम्युनिस्ट पार्टीको स्थापना दिवस नेकपाले मनाउन लागेको हो ।
नेकपाको स्थापना दिवसका अवसरमा नेकपाका अध्यक्ष समेत रहेका प्रधानमन्त्री केपी ओली, अर्का अध्यक्ष पुष्पकमल दाहाल ‘प्रचण्ड’सहितका शीर्ष नेताहरूले सम्बोधन गर्नेछन् ।
कम्युनिस्ट पार्टीको स्थापना दिवसको अवसरमा हुन लागेको कार्यक्रममा सहभागी हुन नेकपाले आफ्ना नेता तथा कार्यकर्ता र शुभेच्छुकहरूसँग आग्रह गरेको छ ।
नेकपाका नेता एवम् सांसद कृष्णगोपाल श्रेष्ठका अनुसार नेकपाको ७०औँ स्थापना दिवस वैशाख ९ गते मध्यान्ह १ बजे काठमाडौंको कमलादीस्थित प्रज्ञा भवनमा मनाइनेछ ।
