US Khabar

एनआरएनए टेक्सास च्याप्टरद्वारा लवकमा आयोजित ‘स्पेलिंग बी’ प्रतियोगिता सफलतापूर्वक सम्पन्न

- Admin | २ महिना पहिले प्रकाशित

एनआरएनए टेक्सास च्याप्टरद्वारा लवकमा आयोजित ‘स्पेलिंग बी’ प्रतियोगिता सफलतापूर्वक सम्पन्न

गैर आवासिय नेपाली संघ एनआरएनए अमेरिका टेक्सस च्याप्टरद्वारा आयोजित “स्पेलिंग बी” प्रतियोगिता सफलतापूर्वक सम्पन्न भएको छ । यस अघि अमेरिकी मूलधारका विद्यालयहरूले सन्चालन गर्ने स्पेलिंग वी नामक प्रतियोगिताको प्रभावका आधारमा नेपाली समुदायले पनि आफ्नो सामुदायिक गतिविधिमा “स्पेलिंग बी” लाई समेट्ने निर्णय स्वरुप आयोजित प्रतियोगिता शनिबार सम्पन्न भएको हो ।

च्याप्टरकी सदस्य भुवन सुवेदी ढकालको संयोजकत्वमा सम्पन्न प्रतियोगितामा लवक नेपाली समुदायमा रहेका बालबालिकाहरू माझ पहिलो चरणको प्रतियोगिता सन्चालन गरिएको थियो ।

नेपाली मन्दिरमा आयोजित प्रतियोगितामा ग्रिप्सन बजगाईं, दीप श्रेष्ठ, जानभी ढुंगाना, शुभेक्षा जोशी र ग्रीष्निमा बजगाई गरि ५ जना वालवालिकाहरूले भाग लिएका थिए ।

कक्षा १ देखी ८ सम्म अध्ययनरत वालवालिकाहरूबीचको यस प्रतियोगितात्मक प्रतिस्पर्धामा प्रश्न उत्तर चरण रहेको थियो । जस अन्तगत डा. प्रकाश पराजुलीको मोडरेट रहेको यस कार्यक्रममा निर्णायक मण्डलमा रहेका विश्वविद्यालय अध्ययनरत विद्यार्थीहरू सतिश बन्जारा, नीता घर्ति र शैलेन्द्र प्रकाश श्रेष्ठले प्रतियोगीहरूलाई विभिन्न १० अंग्रेजी शव्दहरूको हिज्य अर्थात् स्पेलिंग सोधेका थिए र प्रतियोगिले जवाफ दिएका थिए ।

सोही प्रतिस्पर्धाबाट यस पटकको “स्पेलिंग बी” प्रतियोगीतामा दीप श्रेष्ठ र ग्रिस्निमा बजगाई छनौट भएका छन् । आयोजक संस्थाका कार्यसमिति सदस्य एवं यस प्रतियोगिताका संयोजक सुवेदीका अनुसार छनौट भएका २ प्रतियोगीहरूले च्याप्टरव्यापी प्रतियोगितामा प्रतिस्पर्धा गर्ने छन् ।

सुवेदीका अनुसार स्थानिय प्रतिस्पर्धामा छनौट भएका श्रेष्ठ र बजगाँईलाई आगामी सेप्टेम्बर महिनामा आयोजना हुने च्याप्टरस्तरिय अन्तिम प्रतिस्पर्धामा भाग लिनका लागी शिफारिस गरिनेछ । लवक लगायत अस्टिन, ह्युस्टन, सानआन्टनियो, पेरिस र वेको शहरबाट यसरी नै प्रतिस्पर्धा गराई अन्तिम प्रतिस्पर्धाका लागी छनौट गरिनेछ ।

उल्लेखित शहरहरूबाट छनौट भएकाहरूबीच अन्तिम प्रतिस्पर्धा गराईने र प्रतिस्पर्धामा छनौट गरि शिर्ष बिजयी छनौट गरिने छ । उत्कृष्ट मध्ये प्रथम पुरस्कार प्राप्त गर्नेलाई पन्ध्र सय डलर, द्धितियलाई १ हजार डलर, तृतिय विजयी ५ सय र चौथोलाई २ सय डलर राशी सहित पुरस्कृत गरिने छ ।

वालवालिकाहरू र उनीहरूका अभिभावकहरूका साथै लवक समुदायका सदस्यहरूको उपस्थिति रहेको कार्यक्रमको प्रभावकारिताबारे अविभावहरुले सकारात्मक प्रतिकृया व्यक्त गरेका छन् ।

प्रतिक्रिया

" data-width="100%" data-numposts="5">
error: Content is protected !!