US Khabar

विसाल दर्शक सहभागिता माझ दुबईको ‘अल नासर लिजरल्याण्ड’मा गुञ्जियो नेपथ्य ( फोटो-फिचर)

- Admin | ३ हप्ता पहिले प्रकाशित

विसाल दर्शक सहभागिता माझ दुबईको ‘अल नासर लिजरल्याण्ड’मा गुञ्जियो नेपथ्य ( फोटो-फिचर)

सुष्मा देवकोटा

नेपालको सर्वाधिक लोकप्रिय व्याण्ड नेपथ्यको दुबई कन्सर्ट दर्शकको विसाल सहभागिता विच भव्यताका साथ सम्पन्न भएको छ । दुबईको चर्चित स्टेडियम ‘अल नासर लिजरल्याण्ड’ मा अक्टोबर ६ तारिक आईतबारका दिन झण्डै ४ हजार नेपालीहरुको विसाल सहभागिता बिच नेपथ्यले आफ्नो एक देशिय विदेश कन्सर्ट मार्फत प्रस्तुती दिएको हो ।

कार्यक्रममा ‘हो रामा रामा’बाट आफ्नो प्रस्तुती सुरु गरेको नेपथ्यले ‘भेँडाको ऊन जस्तो’, लामपाते सुरती, ‘यो जिन्दगानी’ ‘शिरफूल शिरैमा’ ‘छेक्यो छेक्यो’ मै मरि जाउँला, लगायतका लोकप्रिय गीतहरु प्रस्तुत गरेको थियो ।

नेपथ्यले कोरोना महामारीपछि पहिलो पटक विदेशमा कन्सर्ट गर्ने खबर बाहिरिएसंगै नेपाली संचार माध्यम नेपाथ्यका स्रोता, दर्शकले शिर्ष महत्व दिएको यस कन्सर्ट युनाइटेड अरब इमिरेट्स अन्तर्गत विश्वकै एक प्रमुख व्यापारिक केन्द्र दुबईमा आयोजना गरिएको हो । जहाँ नेपालीको पनि बाहुल्यता रहेको छ ।

आकर्षक र ठुलोे क्षेत्रफलको अल नासर लिजरल्याण्ड चर्चित अन्तराष्ट्रिय व्याण्डहरु फोर्थ ईम्प्याक्ट, आइस स्केटिङ लगायतले प्रस्तुति दिईसकेको स्टेडियम हो । जहाँ अन्तराष्ट्रिय साँगीतिक, साँस्कृतिक र कयौं अन्तराष्ट्रिय फेसन शो पनि हुँदै आएका छन् ।

यस अघि पनि ७ बर्ष पहिले सन् २०१५ मा नेपथ्यले सोहि स्थानमा प्रस्तुती दिएको थियो । कन्सर्ट कार्यक्रमका लागि यहि नोभेम्बर ३ तारिक दुबई पुगेकोे नेपथ्य ६ तारिक कार्यक्रम सकेसंगै ९ तारिक नेपाल फर्कने कार्यतालिका रहेको छ ।

१ सातामा नै नेपाल फर्कने गरि यसै कार्यक्रमका लागि मात्र दुवई गएको नेपथ्य व्याण्डकबाट गायक अमृत गुरुङ, ड्रमसेटमा ध्रुव लामा, किबोर्डमा सुरज थापा, बेस गीतारमा सुविन शाक्य, गीतारमा निरज गुरुङ र मादलमा शान्ति रायमाझी यतिबेला दुबई रहेका छन् ।

यस विषयमा कार्यक्रम आयोजक अमृत ईभेन्टका आशिष पुरुषले यूएस खबर टाईम्सलाई दिएको जानकारी अनुसार कार्यक्रम अपक्षेकृत रुपमा सफल भएको छ । सबै बर्गका नेपालीलाई समेट्ने उदेश्यले चर्चित व्याण्डको विदेश कन्सर्ट भएपनि प्रवेश शुल्क जम्मा ५० दिर्हाम र १ सय दिर्हाम मात्र राखिएको थियो । नेपथ्यका प्रशंसकहरुले पैसा नभएकै कारण मन परेको व्याण्डको कन्सर्ट हेर्नबाट बञ्चित हुन नपरोस् भन्ने उदेश्यले न्युन शुल्कमा प्रवेशको व्यावस्था गरिएको हो ।

उनका अनुसार कार्यक्रममा ५० दिर्हाम शुल्कका दर्शक धेरै रहेका थिए । प्रवेश शुल्क ५० दिर्हाम ति नेपालीका लागि लक्षित थियो जसको थोरै कमाई र महंगो टिकट खरिद गर्न असमर्थ छन् । टिकट लिने पैसा नभएर मन परेको व्याण्डको कार्यक्रम छुट्नु एउटा फ्यानका लागि नमज्जाको कुरा बन्छ । त्यसैले पनि भावनात्मक चाहनालाई ध्यानमा राखेर कम दरमा टिकट प्रदान गरिएको हो ।

नेपालीहरुको महान् पर्व दशैं तिहार लगत्तै आयोजना भएको यस कन्सर्टको उदेश्य चाडपर्वमा घर जान नेपालीहरुलाई भावनात्मक मनोरञ्जन प्रदान गर्नु रहेको छ ।

दुवई र छिमेकी इमिरेट्सहरूबाट दर्शकको सहभागिता रहेको यस कन्सर्ट हेर्न अन्य इमिरेट्सहरू विशेषगरी अबुधावी, सारजहाँ र रस अल खइमाबाट नेपाली दर्शकको उल्लेख्य सहभागिता देखिन्थ्यो लाखौं नेपाली कामदार रहेको दुबई पछिल्लो समय नेपाली विद्यार्थीका लागि पनि आकर्षक गन्तव्य बन्दै गएको छ । नेपाथ्यको कार्यक्रममा लागि लामो दुरी पार गरेर अबुधाबी स्थित विश्वविद्यालयमा अध्ययनरत विद्यार्थी देखी दुवईमा रहेका विभिन्न पेसा आवद्ध व्यक्तीहरुको कार्यक्रममा सहभागिता रहेको थियो ।

प्रतिक्रिया

" data-width="100%" data-numposts="5">
error: Content is protected !!