काठमाडौं- प्रधानमन्त्री केपी शर्मा ओली भियतनाम र कम्बोडियाको भ्रमण पूरा गरी आज (बुधबार) साँझ स्वदेश फर्किंदै छन् ।

साँझ ७ बजे प्रधानमन्त्री ओली नेपाल एयरलाइन्सको विमानबाट काठमाडौँ आइपुग्ने कार्यक्रम रहेको बताइएको छ ।

उनी काठमाडौं आइपुग्ने समयभन्दा १५ मिनेट अगाडि देखी नै उडान तथा अवतरण बन्द हुने विमानस्थल कार्यालयले जनाएको छ । विमान अवतरण भएको १५ मिनेट पछि विमानस्थल सुचारु हुनेछ ।

यस अनुसार विमानस्थल ३० मिनेटको लागि आन्तरिक तथा अन्तर्राष्ट्रिय दुवैतर्फका उडान प्रभावित हुने विमानस्थल कार्यालयले जनाएको छ ।

Comments

comments