एनआरएन अमेरिकाको नयाँ कार्यसमिती निर्वाचन सम्पन्न भएको छ । सम्पन्न निर्वाचन बाट अध्यक्ष पदमा सुनिल शाह बिजयी भएका छन् । निर्वाचन कमिटीले सार्वजनिक गरेको मत परिणाम अनुसार सुनल शाह ३७ सय ११ मत सहित अध्यक्ष पदमा बिजयी भएका हुन् । उनी संगै प्रतिस्पर्धामा रहेका सुर्य लम्सालले १७सय ९७ मत प्राप्त गरेका छन् भने संजय थापाले १५ सय ५४ मत प्राप्त गरेका छन् ।
त्यस्तै बरिष्ठ उपाध्यक्ष पदमा डा. अर्जुन बन्जाडे २९ सय ४९ मत प्राप्त गर्दै बिजयी भएका छन् । मध्य पश्चिम क्षेत्रीय उपाध्यक्षमा ३५ सय २ मत प्राप्त गर्दै बुद्धी सागर सुवेदी बिजयी भएका छन् भने उत्तर पूर्व क्षेत्रीय उपाध्यक्ष पदमा ३५ सय १९ मत सहित बाबुराम लामा बिजयी भएका छन् ।
दक्षिण क्षेत्रिय उपाध्यक्षमा कृष्ण जिवी पन्त ४६ सय ३९ मत सहित बिजयी भएका छन् भने पश्चिम क्षेत्रीय उपाध्यक्षमा सवज्ञ वाग्ले ३७ सय ४७ मत सहित बिजयी भएका छन् ।
त्यस्तै महासचिवमा ३ हजार ४२ मत प्राप्त गर्दै पशुपती राज पाण्डे बिजयी भएका छन् भने सचिवमा ३३ सय ३५ मत सहित अमृत बाबु कट्टेल निर्वाचित भएका छन् ।
कोशाध्यक्ष पदमा नेत्र प्रसाद पोखरेल बन्धु २६ सय ७१ म्त सहित बिजयी भएका छन् भने सह कोसाध्यक्षमा ३८ सय ६५ मत प्राप्त गर्दै सन्तोष कुमार बिष्ट बिजयी भएका छन् । महिला संयोजकमा दिक्षा बस्नेत बिजयी भएकी छन् उनले ३९ सय ४५ मत प्राप्त गरेकी छन् । युवा संयोजकमा बिनोद रुवाली ३५ सय ५० मत सहित बिजयी भएका छन् ।
