अमेरिकामा रहेको सामाजिक संस्था हेल्प फर डेस्पेरेट एण्ड हेल्प फर डेस्पेरेट एण्ड निड़ी पिपुल (एचडिएनपी)ईन्टरनेशनलले मंगलबार दिउँसो बानेश्वरस्थित संसद भवन अगाडी आत्मदाह गरेका प्रेम प्रसाद आचार्यको परिवारलाई आर्थिक सहयोग गरेको छ । अमेरिकाको टेक्ससमा रहेको एचडिएनपी ईन्टरनेशनलले स्वं आचार्यको परिवारलाई १ लाख १ सय रुपैया सहयोग गरेको हो ।

अमेरिकाका घरबार विहिनहरु र मातृभूमि नेपाल लगायतका देशहरुमा सहयोग प्रदान गर्दै आयको एचडिएनपी ईन्टरनेशनलले ठुलो ऋण तिर्न नसक्दा आफ्नै शरिरमा पेट्रोल खन्याएर संसद भवनको अगाडी आत्मदाह गरेका स्वं आचार्यको परिवारको आर्थिक र भावनात्मक अवस्थलाई ध्यानमा राखि सहयोग रकम प्रदान गरेको हो ।

संस्थाका अध्यक्ष देवि डेविड आचार्यका अनुसार कारुणिक र भयावह यस मृत्युको खबरले आफु र संस्थाका सबैलाई अत्यन्त दुखि तुल्याएको बतायँदै संस्थाले जनवरी २६ का दिन मृतकका परिवारको नाममा काठमाडौँमा रहेको खातामा सिधै रकम जम्मा गरेको हो ।

सँस्थामा आबद्ध सदस्यहरुबाट सँकलन गरिएको उक्त रकम स्वं आचार्यकी श्रीमती नानुका अधिकारीको नाममा रहेको बानेश्वर स्थित ग्लोबल आईएमइ बैंकमा जम्मा गरिएको हो । आर्थिक कारणबाट नै ययटा होनाहार युवाले मृत्युवरण गर्नु पर्ने अवस्थाको अन्त्य हुनुपर्ने वताउँदै अध्यक्ष देवि आचार्यले आगामी दिनमा यस्ता घट्ना दोहरिन नदिन राज्यले जिम्मेवार हुनुपर्नेतर्फ पनि ध्यानाकर्षण गराएका छन् ।

सकारात्मक विचारधाराका शिक्षित युवाले गरेको यो आत्मदाहले सिंगो प्रवासी समुदायलाई समेत विछिप्त बनाएको बताउँदै संस्थाले परिवारको सहयोगार्थ रकम प्रदान गरेको हो ।

६ हजार शब्दको लामो स्ट्याटस लेखेर आत्महत्या गरेका आचार्य ३७ बर्षिय युवा व्यवसायि थिय । विभिन्न व्यवसाय गर्न खोज्दा राज्य व्यवस्था र नीतिनियम बाधक बनी आफूले काम गर्न नसकेको र काम गरेको ठाउँबाट पनि पाउनुपर्ने रकम नपाएका कारण ठूलो आर्थिक क्षति व्यहोर्नुपरेको भन्दै भावुक स्ट्याटस लेखेर आचार्यले संसद भवन अगाडी आत्मदाह गरेका हुन् । शरिरको ८० प्रतिशत भाग जलिसकेका उनलाई उपचारका लागि अस्पताल भर्ना गरियको भएपनि अस्पतालमा नै आचार्यको मृत्यु भएको थियो ।

श्रीमती र साना साना २ छोरीहरुलाई छोडेर ऋणकै कारण बाध्यतावस मृत्युको बाटो रोझेका आचार्यको ६० लाख ऋण रहेको छ । ईलामका स्थायि बासिन्दा आचार्यले आफ्नो संघर्षलाई अन्तिम अवस्थासम्म कायम राखेका थिए । बाँच्ने आसमा नजिकका आफन्त र साथिभाई धेरैजना संग सहयोग माग्दा पनि कसैले सहयोग नगरेपछि उनले मृत्युको बाटो अपनाएका थिए ।

सन् २०१२ मा अमेरिकी सरकारको गैर मुनाफा सामाजिक संस्थामा दर्ता भएको संस्था एचडिएनपी ईन्टरनेशनलले स्थापनाका दिनबाट अहिले सम्म निरन्तर होमलेशहरुलाई निशुल्क खाना वितरण र न्यानो सामग्री सहयोग तथा ५० औं पटक रक्तदान कार्यक्रम मार्फत पनि स्वास्थ्यका क्षेत्रमा महत्वपूर्ण योगदान पुर्याउँदै आई रहेको छ ।कुनै आधिकारिक डोनर नभए पनि दशक लामो सहयोग यात्रा पार गरेको एचडिएनपी ईन्टरनेशनले मातृभूमि नेपालका लागि पनि दैवि प्रकोप देखि, घरबार विहिन बृद्धाश्रम, बालबालिकाको शिक्षा लगायतका क्षेत्रमा कामहरु गर्दै आईरहेको छ । अमेरिकामा स्थापना भएको संस्थाले पशुपतिमा खाना खुवाउने देखी विनासकारी भूकम्पका समय सहयोग, झापाको कनकाई स्थित बृद्ध बृद्धाका लागि किचनको व्यवस्था साथै सप्तरीका राजविराजबाट ४ किलोमिटरबाट विष्णुपुर गाउँपालिका मुसहर बस्तीका ३ छोरा २ छोरा गरि ५ जना बच्चाहरुलाई १० कक्षा सम्म पठाउन लाग्ने सबै खर्चको व्यवस्था गर्दै आएको छ ।

एचडिएनपी ईन्टरनेशनको अमेरिका साथै नेपाल, अफ्रिका, घानाबाट संचालित युकाण्डा साखाले पनि घरबार विहिनलाई सहयोग सहितका सामाजिक कार्यहरु गर्दै आएको छ ।