US Khabar

चर्चित टिकटक गर्ल गरिमा शर्माको मोडलिङ क्षेत्रमा दमदार प्रवेस

- Sushma Devkota - US Khabar | २ वर्ष पहिले प्रकाशित

चर्चित टिकटक गर्ल गरिमा शर्माको मोडलिङ क्षेत्रमा दमदार प्रवेस

पछिल्लो समय विश्वभर सामाजिक सञ्चाल टिकटकले ठुलो स्थान ओगटेको छ मनोरञ्जनको क्षेत्रमा । सन् २०१६ मा चिनबाट सुरु भएको टिकटकप्रति विश्वभरका युवा पुस्ता आकर्षित छन् भने बालबालिका देखी बृद्ध बृद्धा सम्म टिकटक लोकप्रिय बन्दै गएको छ । यसको लोकप्रियता नेपालमा पनि बढ्दै गएको छ । ५ देखी १५ सेकेण्ड सम्मको भिडियो बनाउन सकिने टिकटकमा बिभिन्न उमेर समुहका नेपालीहरुले गीत तथा संवादमा फरक फरक अभिनय र नृत्य प्रस्तुत गर्दै आएका छन् भने कतिपय राम्रो कलाकारिता भएकाहरुले कलाकारिता क्षेत्र प्रवेश गर्ने सहज बाटो र अवसर पनि पाएका छन् ।

यहि भिडमा हजारौं दर्शकले मन पराएकी नेपाली टिकटक गर्ल हुन् गरिमा शर्मा । चितावनकी स्थायी बासिन्दा गरिमाको टिकटकमा सार्वजनिक नृत्य र अभिनय दर्शक र कलाकर्मीले अत्याधिक रुचाएपछि उनि नेपाली कलाकारिता क्षेत्रमा औपचारिक प्रवेश गरेकी कलाकार हुन् ।

पान खायो मायाले, बनकी चरी के भन्छे, सालको पात, गुराँश फुल्दा, नगर दोमन, सयौ जुनि पाउन, म त तिम्रो घनश्याम, गैरी खेतको शिरै हान्यो, नौटंकी माया, य लड्का हाय अल्ला, तेरे नयना बढे कातिल लगायत सयौं नयाँ पुराना नेपाली र हिन्दी गीतमा आकर्षक अभिनय र नृत्य गर्दै आफ्नो प्रतिभा प्रस्तुत गरेकी गरिमाको कलाकारिता क्षमतालाई अहिले नेपालका चर्चित कलाकर्मीले प्रसंसा गरिरहेका छन् । यो संगै उनि एक पछि अर्को म्युजिक भिडियोमा देखिने भएकी छन् ।

यो बर्षको तिज गीत शितलु मार्फत उनि कलाकारिता क्षेत्रमा औपचारिक प्रवेस गरेकी छन् । गरिमाको सौन्दर्य, अभिनय, र नृत्यको तारिफ गर्दै आएका दर्शकले उनको सितलु गीतमाथी पनि प्रसंसनिय प्रतिकृया दिईरहेका छन् । कलाकार सिवन पोख्रेल, निरु खड्का, रविन लामिछाने लगायतसंग अभिनयमा देखिएकी उनि सीतलु गीतका मुख्य कलाकारका रुपमा रहेकी छन् जसमा उनले सिवन पोख्रेलको जोडीका रुपमा नृत्य प्रस्तुत गरेकी छन् ।

जुनसुकै लुक्समा पनि सुन्दर देखिने गरिमालाई यस लगत्तै चर्चित गायक समिर आचार्यको नयाँ गीतमा देख्न पाईने भएको छ । त्यो पनि लोकप्रिय नायक तथा मोडल पुष्प खड्काको साथमा । भुर्भुर पुतली बोलको यस गीतको छायांकन सम्पन्न भै सकेको छ । रिलिजको तयारीमा रहेको यो गीत गायक समिर आचार्य र गायिका सुरेखा क्षेत्रीको युगल आवाजमा रहेको गीत हो ।

गायक समिर आचार्यले गरिमाको अभिनय क्षमताका आधारमा उनलाई आफ्नो नयाँ गीतका लागि छनौट गरेको बताएका छन् । नयाँ कलाकार भएपनि परिपक्क अभिनय, आकर्षक नृत्य र कलाप्रतिको लगावका कारण उनलाई आफ्नो गीत भुर्भुर पुतलीका लागि छनौट गरिएको गायक समिरले यूएस खबरलाई बताएका छन् । समिर आचार्य ति गायक हुन् जसका पिचरोड, मेरो दुनियाँ बेग्लै छ, घाममा सुकाईदेउ, घाँघरा चोली, रेल गाडी लगायतका दर्जनौं लोकप्रिय र हित गीतहरु बजारमा आएका छन् ।

प्रतिक्रिया

" data-width="100%" data-numposts="5">
error: Content is protected !!