‘भोर’ अभिनेत्री पूजा कर्ण ‘राष्ट्रिय चलचित्र पुरस्कार’मा ‘जुरी प्रोत्साहन सम्मान’ बाट सम्मानित

7

काठमाडौं : दाईजो प्रथामा बनेको यादब कुमार भट्टराई निर्देशित चलचित्र ‘भोर’ अभिनेत्री पूजा कर्ण राष्ट्रिय चलचित्र पुरस्कार अन्तर्गत जुरी प्रोत्साहन सम्मान बाट सम्मानित भएकी छन । शुक्रबार राजधानीमा सम्पन्न कार्यक्रममा राष्ट्रपती बिद्यादेवी भण्डारी द्वारा कर्णलाई उक्त सम्मान प्रधान गरिएको हो ।

तराइमा ब्याप्त दाईजो प्रथा र त्यसले मानबिय जीवनमा परेको असरलाई चलचित्रमा देखाइएको छ । चलचित्रमा पूजा शारिरिक रुपमा असक्त भएपनी न्यायको लागि लड्दा थुप्रै बाधा अड्चनको सामना गर्दै गरेको द्रिश्यहरु समाबेश छ ।

चलचित्र भोर मा काम गरे पछी राष्ट्रको यती ठुलो सम्मान बाट सम्मानित हुन पाउदा आफु निकै खुशी भएको बताइन । मिडिया फर कल्चरको ब्यानरमा निर्माण भएको चलचित्र भोरमा रामनारायण ठाकुर , डली सरकार , प्रमेश झा, अनितारानी मण्डल, विष्णुकान्त झा, राजेश सक्सेना, बिएन पटेल, पुजा कर्ण लगायतका कलाकारले अभिनय गरेका छन् ।

चलचित्रले नेपाली समाजमा बिशेषगरी तराई क्षेत्रमा दाइजो प्रथाले विकृति र त्यसबाट उत्पन्न विभिन्न समस्याको छर्लङ्ग चित्रण गर्ने प्रयास गरेको छ । चलचित्रले दाइजोका कारण समाजमा कयौँ घटनाहरुको जन्म हुन्छ भन्ने एक सशक्त सन्देश दिएको छ ।

देबेन्द्र सुबेदी प्रस्तुतकर्ता रहेको चलचित्रमा राज तिमल्सिना र राम गोपाल थापा निर्माताको रुपमा रहेका छन् । चलचित्रमा दिपक बज्राचार्यको छायाँकन तथा दिपक अधिकारि र किसन अर्यालको मुख्य सहायक निर्देशन रहेको छ ।

Comments

comments