भर्खरै सम्पन्न गैर आवाशिय नेपाली संघ (एनआरएनए)का नव निर्वाचित अध्यक्ष कुमार पन्त र नेपाल पर्यटन बोर्डमा सचिवालयका संयोजक सुरज वैद्य बिच नेपाल भ्रमण बर्ष लक्षित समझदारी भएको छ । भिजन २०२० सफल बनाउने सरकारको लक्ष्य अनुरुप आज आईतबार पन्त र बैद्य बिच विश्वभर रहेका हरेक गैरआवासीय नेपालीले एकजना विदेशी साथी नेपाल भ्रमणमा पठाउने समझदारी भएको हो ।

अध्यक्ष पन्त र संयोजक बैद्य बिचको समझदारी अनुसार अव हरेक गैरआवासीय नेपालीले एक जना विदेशी साथी नेपाल भ्रमणमा पठाउने र त्यसको रेकर्ड दुवै पक्षले राख्ने समझदारी भएको भएको छ ।

त्यस्तै यसरी बिदेशीहरु नेपाल पठाउने ब्यक्ती र संस्थामध्य सबैभन्दा बढी विदेशी साथीहरु नेपाल पठाउने व्यक्ति वा संघसंस्थालाई सम्मान गर्नका लागि सचिवालयले नेपाल सरकारसमक्ष सिफारिस गर्ने समझदारी समेत भएको छ ।

समझदारी अनुरुप संघले नेपाल भ्रमण वर्ष २०२० अवधिभर संघका विश्वभर गरिने औपचारिक सेमिनार, गोष्ठी लगायतका कार्यक्रम नेपालमा नै गर्ने व्यवस्था मिलाउने पनि उल्लेख छ भने विश्वभर रहेका गैरआवासीय नेपालीहरुलाई परिवार र साथीहरुसँग नेपालमा विदा मनाऔं’ अभियान सञ्चालन गर्ने समेत समझदारी गरेको छ।

 

Comments

comments