US Khabar

पहिलो पटक अस्ट्रेलियामा एकै दिन १९ जनाको मृत्यु: मृतक सबै भिक्टोरिया राज्यका

- Admin | २ वर्ष पहिले प्रकाशित

पहिलो पटक अस्ट्रेलियामा एकै दिन १९ जनाको मृत्यु: मृतक सबै भिक्टोरिया राज्यका

अस्ट्रेलियामा कोरोना संक्रमणबाट एकै दिन १९ जनाको मृत्यु भएको छ । महामारीबाट सबैभन्दा बढी प्रभावित भिक्टोरिया राज्यमा सोमबार एकै दिन १९ जनाको ज्यान गएको हो ।

अष्ट्रेलियामा एकै दिन यति धेरैको ज्यान गएकोे पहिलो घटनाका रुपमा रहेको ठुलो संख्यामा संक्रमणबाट मानिसको मृत्यु भएपछि यसलाई महामारीको दोस्रो लहर सुरु भएको बताईएको छ ।

केही दिन अघि संक्रमितको संख्या बढ्दै गएपछि अस्ट्रेलियाको भिक्टोरियामा लकडाउन थप कडा थियो । ठुलो संख्यामा संक्रमति बढ्नुका साथै मृत्यु हुन थालेपछि साँझ ६ बजेबाट कडाईका साथ लकडाउन लागू गरिएको हो । भिक्टोरिया राज्यका प्रमुख डेनियल एन्ड्रयूले राजधानी मेलबर्नमा राति ८ बजेदेखि बिहान ५ बजेसम्म कर्फ्यु लागु हुने घोषणा गर्दै नागरिकलाई आफ्नो घरको ५ किलोमिटरभन्दा टाढा जान नपाईने नियम लागु गरेका थिए ।

पछिल्लो साता भिक्टोरिया राज्यमा रहेका १२ जना नेपालीहरुमा कोरोना संक्रमण पुष्टी भएको छ । अस्ट्रेलियाको भिक्टोरिया राज्यमा नेपाली बिद्यार्थी र एनआरएन पदाधिकारी मध्य १२ जनामा संक्रमण पुष्टी भएको हो । कोरोना संक्रमण पुष्टि उनिहरु मध्य चारजना होटेल क्वारेन्टिनमा बसेका छन् भने बाँकी होम आइसोलेसनमा छन् ।

प्रतिक्रिया

" data-width="100%" data-numposts="5">
error: Content is protected !!