US Khabar
  • ‘ओए काजल’को सफलतापछि एलिना र नग्माको साथमा चक्र बमको ‘नौगेडी’

    - Admin | २ हप्ता पहिले प्रकाशित

    ‘ओए काजल’को सफलतापछि एलिना र नग्माको साथमा चक्र बमको ‘नौगेडी’

    पछिल्लो समयका सर्वाधिक लोकप्रिय गायक तथा मोडल चक्र बमको नयाँ गीत सार्वजनिक भएको छ । कलाकार चक्र स्वयंको संगीत तथा टुरिस्ट जंग बिक र चक्र बमको शब्द रहेको ‘नौगेडी’ बोलको गीत भिडियो सहित सार्वजनिक भएको हो ।

    परदेशीने नेपाली युवाहरुको कथालाई समेटिएको यस गीतमा गायक चक्र संगै गायिका एलिना चौहानको पनि युगल आवाज रहेको छ । कृष्ण विकको संगीत संयोजन रहेको गीतमा विदेश जान लागेको श्रीमानको धन कमाउने र आफ्नी श्रीमतीलाई गहना किनीदिने रहरका प्रशंग अभिब्यक्त छ भने श्रीमतीले विदेश नजान आग्रह गरेकी छन् ।

    टेकेन्द्र शाहको निर्देशन तथा सम्पादनमा निर्माण भएको भिडियोमा कलाकार चक्र स्वयंको अभिनय रहेको छ भने मोडल नग्मा श्रेष्ठ उनकी श्रीमतीको भूमिकामा देखिएकी छन् ।

    ग्रामिण परिवेशलाई चित्रण गरिएको ‘नौगेडी’को भिडियोलाई पवन सुस्लिङले छायांकन गरेका हुन् । सुदुर र मध्य पश्चिम तथा भारत उत्तराखण्डमा बोलिने मौलिक भाषको प्रयोग गर्दै सयौं गीतहरुमा गायन र अभिनय प्रस्तुत गर्दै आएका कलाकार चक्र बमको यतिबेला ‘ओए काजल’ बोलको गीत सामाजिक संजाल टिकटक र युटुवमा सर्वाधिक चर्चामा रहेको छ ।

     

    प्रतिक्रिया

    " data-width="100%" data-numposts="5">