US Khabar
  • नेपालमा आज ३०९३ जनामा सँक्रमण, थप ८ को कोरोनाबाट निधन

    - Admin | १ महिना पहिले प्रकाशित

    नेपालमा आज ३०९३ जनामा सँक्रमण, थप ८ को कोरोनाबाट निधन

    युएस खबर
    काठमाडौं, ४ कात्तिक

    नेपालमा आज मँगलबार ३ हजार ९३ जनामा कोरोना (कोभिड १९) भाईरस सँक्रमण पुष्टी भएको स्वास्थ्य तथा जनसँख्या मन्त्रालयका प्रवक्ता डा. जागेश्वर गौतमले नियमित पत्रकार भेटघाटमा जनाएका छन् ।

    उनले मँगलबार दिएको जानकारी अनुसार १३ हजार ८६१ जनाको कोरोना परिक्षण गर्दा ३ हजार ९३ जनामा कोरोना सँक्रमण पुष्टी भएको हो । यो सँगै नेपालमा हालसम्म १ लाख ३९ हजार १२९ जनामा कोरोना सँक्रमण भईसकेको छ ।

    यस्तै आज काठमाडौं उपत्यकामा १ हजार ७०२ जनामा कोरोना सँक्रमण पुष्टी भएको पनि डा. गौतमले बताएका छन् । जसमा काठमाडौंमा १ हजार ४३१ जना, भक्तपुरमा १२३, र ललितपुरमा १४८ जना रहेको छन् ।

    यस्तै यतीबेला नेपालका विभिन्न आईसोलेसनमा ४१ हजार ७५५ जना कोरोना सँक्रमणको उपचारमा रहेका छन् । यस्तै विभिन्न क्वारेन्टाईनमा ४ हजार २२० जना रहेका छन् ।

    यसैगरी नेपालमा पछिल्लो २४ घन्टामा २ हजार १०८ कोरोना सँक्रमणबाट मुक्त भएका छन् । यो सँगै हालसम्म ९६ हजार ६०९ जना कोरोना सँक्रमणबाट मुक्त भएको पनि डा. गौतमले बताए ।

    पछिल्लो २४ घन्टामा नेपालमा कोरोना सँक्रमणबाट ८ जनाको मृत्यु भएको छ । यो सँगै हालसम्म नेपालमा कोरोना सँक्रमणबाट मृत्यु हुनेको सँख्या ७६५ जना पुगेको पनि डा. गौतमले बताएका छन् ।

    प्रतिक्रिया

    " data-width="100%" data-numposts="5">