US Khabar
  • मिलन – दुर्गा दाहाल

    - Admin | १ महिना पहिले प्रकाशित

    मिलन – दुर्गा दाहाल

    मिलनका सपना प्रण पूर्ण हून्
    मिलनका प्रियता प्रतिभा फुलून् ।
    मिलनका मति औ ममता मिलून्
    मिलनका बिपना मन दिव्य हून् ।। १।।

    मिलन जीवनमा मुदिता ( प्रसन्ना ) बनून्
    मिलन कर्म गरेर सुखी रहून् ।
    मिलन धर्म धरेर सधैं रमून्
    मिलन ध्यान र ज्ञानकला सिकून् ।। २।।

    पति पिताजननी गुरुजी जपून्
    प्रणव पावनका गरिमा चिनून् ।
    प्रखर बुद्धि लिई रचना रचून्
    प्रगतिका पथका सुविधा लिऊन् ।। ३।।

    भजनका जनका महिमा बुझुन्
    धन र धान्य दिने पृथिवी पुजून् ।
    सुखद भाव भरी भगवान् भजून्
    मिलनका दिन शान्त पवित्र हुन् ।। ४।।

    प्रतिक्रिया

    " data-width="100%" data-numposts="5">