नेपाली मुलका अमेरिकी सांसद ह्यारी भण्डारीले नेपालीहरुको महान पर्व दशैंलाई अमेरिकामा मान्यता दिलाउन बिल पेस गरेका छन् । मेरिल्याण्ड राज्यको संसदको तल्लो सदन हाउस अफ डेलिगेट्सका सदस्य रहेका भण्डारीले नेपाली संस्कृतीको उच्च सम्मान गर्दै दशैं पर्वलाई अमेरिकामा पनि मान्यता दिलाउने उदेश्यले सदनमा बिल पेस गरेका हुन् ।

अमेरिकी राजनीतिमा राजनितीक स्तरमा पुग्ने पहिलो र एकमात्र जननिर्वाचित नेपालीका रुपमा रहेका भण्डारीले यस अघि पनि बिभिन्न महत्वपूर्ण बिषयमा सदनमा पेश गर्दै आएका छन् । जसमध्य ५ वटा बिल पारित भै सकेका छन् । अमेरिकी राजनितीमा बलियो छवि बनाएका भण्डारीले यस पटक नेपालीहरुको पक्षमा दशैं पर्वलाई लिएर पेस गरेको बिल पनि पारित हुन सक्ने देखिन्छ । जसबाट यहाँ रहेका नेपाली समुदायको धर्म, संस्कृती र सद्भावको समेत सम्मान हुने भएकाले यतिबेला भण्डारीको यस कदमलाई सबैले प्रशंसा गरिरहेका छन् ।

भण्डारीका अनुसार दशैं पर्व कुनै एक धर्म बिषेश पर्व नभई यो नेपालीहरुको आस्था, विश्वास र भाईचाराको पर्व पनि भएकाले सिंगो अमेरिकी नेपाली समुदायको अस्तित्वको यस चाडलाई नेपाली पहिचानका रुपमा नै बुझेर समग्र नेपाली समुदायले गर्वका रुपमा हेर्न सके यस पर्व आफैंमा महत्वपूर्ण र नेपाल र नेपालीको गौरवका रुपमा रहेको संस्कृती हो ।

उनका अनुसार यस बिषयमा पेस गरेको बिलका लागि सदनमा अनुरोध भै सकेको र बिल ड्राफ्टको प्रकृयामा रहेको छ । उनी नै सम्मिलित हेल्थ एण्ड गभर्मेन्ट अपरेशन कमिटिमा समेत आउने आउने यस बिल बिभिन्न कमिटिमा छलफल र दुबै सदनबाट पारित भइसकेपछि मात्र कार्यान्वयनमा आउनेछ ।

बिलका लागि अनुरोध भइसकेको र अहिले बिल ड्राफ्टको प्रकृयामा रहेको भण्डारीले जानकारी दिए । बिभिन्न कमिटिमा छलफल र दुबै सदनबाट पारित भइसकेपछिमात्र बिल कार्यान्वयनमा आउनेछ । यो बिल उनी नै सम्मिलित हेल्थ एण्ड गभर्मेन्ट अपरेशन कमिटिमा समेत आउनेछ । दुईतिहाई बहुमतबाट पारित भएमा गभर्नरले हस्ताक्षर नगरेपनि बिल कार्यान्यनमा आउने प्रावधान रहेको यस बिल झण्डै एकदर्जन प्रकृया पूरा भएपछि बिल गभर्नर समक्ष जाने र गभर्नरले हस्ताक्षर गरेपछि कार्यान्वयनमा आउनेछ ।

सामान्य नेपाली परिवारमा नै जन्मिएका ह्यारी भण्डारी पर्वत जिल्लामा जन्मिएर अमेरिकाको सांसद सम्मको हैसियतमा काम गरिररहेका ब्यक्ती हुन् । सरकारी बिद्यालयबाट नै आफ्नो स्कुले जीवन पार गरेका भण्डारी सन् २००५ मा अमेरिका आएका हुन् । सामाजिक र राजनितीक सवल छवि बनाएका उनि अमेरिकी राज्य अन्तरगतको उच्च पदका निर्वार्चित सांसद भएर पनि सधैं नेपाली भाषा, संस्कृति र मौलिकताको पक्षमा उभिदैं आएका छन् ।

सन् २०१८ को निर्वाचनमा भएका भण्डारीले राज्य सांसदका रुपमा सन् २०१९ को जनवरीदेखि काम गरिरहेका भण्डारीले देश फेरिएपनि उसले मान्दै आएको संस्कार नफेरिने बताउँदै यति धेरै नेपाली समुदाय भएको मुलुक र स्वयं मेरिल्याण्ड राज्यमा समेत दशैंका समय र बिषेशत बिजयादशमी अर्थात टिकाको दिन उहि संस्कार अपनाउँदै आएपनि यस पर्वले मान्यता नपाएका कारण दशैंको टिका जमरामा नेपालीहरु बाहिर निस्कदा समेत गैर नेपाली समेतलाई अनौठो लाग्ने र ब्यक्ती स्वयंलाई समेत निधार भरीको अक्षतामा बाहिर निस्कन अझैं पनि सहजदा नदेखिएकाले यस प्रकारको मान्यताको आवश्यकता महशुष गरिएको हो । जसका कारण यस पर्वको महत्व र उत्साहबारे गैर नेपाली समुदायमा समेत सकारात्मक सन्देश प्रवाह हुन सक्छ ।

जन्मभूमिको मायालाई भौगोलिक दुरीले रोक्न नसक्ने मान्यता राख्ने भण्डारी ति ब्यक्ती हुन् जसले अमेरिकी सदनमा आफ्नो सपथ ग्रहण समेत बेदलाई साक्षि राखेर गरेका थिए । जवकी उनि सम्पूर्ण रुपमा अमेरिकी नागरिकको हैसियतमा छन् । आफ्नो कार्यालयमा नेपालको झण्डा र नक्सा राखेका भण्डारी नेपाली संस्कृति र पहिचानलाई उचो देखाउन सदैव तत्पर रहने ब्यक्ती हुन् ।

आफु जहाँ पुगेपनि आफु जन्मिएको माटोलाई संधै स्मरण गर्नु पर्ने बताउँदै आएका उनलाई नेपालको झण्डा र नक्साले आफ्नो धरातल सम्झाउने गरेको आभाष हुन्छ । त्यसैले पनि उनको कार्यकक्षमा सगर्व नक्सा र झण्डा राखेका हुन् ।

समाचार स्रोत : खसोखास