US Khabar

वैशाख १७ र २७ गते निर्वाचनको अडान सहित काठमाडौंका १६ ठाउँबाट ओली समर्थकको जुलुस

- Admin | २ वर्ष पहिले प्रकाशित

वैशाख १७ र २७ गते निर्वाचनको अडान सहित काठमाडौंका १६ ठाउँबाट ओली समर्थकको जुलुस

सत्तारुढ नेपाल कम्युनिस्ट पार्टी (नेकपा) केपीशर्मा ओली समूहले बिहीबार शक्ति प्रदर्शन गरेको छ। नारायणहिटी दरबार सङ्ग्रहालयको दक्षिण ढोकातर्फको सडक भएको जनसभा विभिन्न १६ ठाउँबाट जुलुस निकालिएको हो।

जनसभा हुनुभन्दा अगाडि काठमाडौँ उपत्यकाका बागबजार, प्रदर्शनी मार्ग, महेन्द्र शालिक पूर्व, घण्टाघर, नेपाल एअरलाईन्स अगाडि, त्रिपुरेश्वर, गौशाला, माइतीघर, पुतलीसडक, लैनचौर, सोह्रखुट्टे नयाँ रोड, टेकु, बसन्तपुर, सोह्रखुट्टे, ज्ञानेश्वर, पुरानो बानेश्वर लगायतका स्थानबाट र्‍याली निकालिएको थियो।

काठमाडौंका साथै बागमती प्रदेशका १३ वटै जिल्लाका कार्यकर्ता र समर्थक सहभागी भएका छन्।

कमिटीले प्रतिनिधिसभा विघटन भइ निर्वाचन घोषणा गरिएको नयाँ परिस्थिति, नयाँ राजनीतिक घटनाक्रमबारे जनस्तरमा सन्देश दिन जनसभाको आयोजना बागमती प्रदेश कमिटी अध्यक्ष आनन्दप्रसाद पोखरेलले जानकारी दिए। जनसभालाई प्रधानमन्त्री एवम् पार्टी अध्यक्ष केपी शर्मा ओली,उपप्रधानमन्त्री ईश्वर पोख्रेल, रामबहादुर थापा बादल, सत्यनारायण मण्डलले सम्बोधन गर्ने कार्यक्रम तय भएको छ।

प्रधानमन्त्री केपी शर्मा ओलीले प्रचण्ड–माधव पक्षले काठमाडौंमा गरेको शक्ति प्रदर्शनलाई ‘सामान्य भन्दै २३ गते वास्तविक जनप्रदर्शन हुने दावी गरेका थिए। गत पुस ५ गते प्रतिनिधिसभा विघटन भइ आगामी वैशाख १७ र २७ गतेका लागि निर्वाचन तोकिएको छ।

कार्यक्रमको प्रचारका लागि बिहीबार साँझ काठमाडौंमा महेश बस्नेत नेतृत्वको स्वयंसेवक परिचालन कमिटीले वाल्मीकी कलेजबाट मार्चपास गरेको थियो। प्रधानमन्त्री केपी ओलीको समर्थनमा बुधबार राजधानीमा मोटरसाइकल र्‍याली भएको थियो। अध्यक्ष एवम् प्रधानमन्त्री ओलीको तस्वीरसहित बालकुमारी पुलबाट सुरु भएको मोटरसाइकल र्‍याली सातदोबाटो, लगनखेल, जावलाखेल, थापाथाली, त्रिपुरेश्वर, जमल, नारायणहिटी, कमलपोखरी, गौशाला हुँदै तीनकुनेमा टुंगिएको थियो।

प्रतिनिधिसभा विघटन भइ निर्वाचन घोषणा गरिएको नयाँ परिस्थिति, नयाँ राजनीतिक घटनाक्रमबारे जनस्तरमा सन्देश दिन जनसभाको आयोजना गरिएको नेकपाले जनाएको छ।

गत पुस ५ गते प्रतिनिधिसभा विघटन भइ आगामी वैशाख १७ र २७ गतेका लागि निर्वाचन तोकिएको छ।

साभार: अन्नपूर्ण पोष्ट दैनिक

प्रतिक्रिया

" data-width="100%" data-numposts="5">
error: Content is protected !!