शुद्द पिउने पानीका लागि जल मन्दिर

40

काठमाडौँ – सत्य साई सेवा संगठन नेपालले भरतपुर सरकारी अस्पताललाई जल मन्दिर हस्तान्तरण गरेको छ । अस्पताल परिसरमा आयोजित एक कार्यक्रमका बिच जल मन्दिर हस्तान्तरण गरिएको हो । जल मन्दिरमा सनातनिय परम्परा अनुसार शिव लिगं र शुद्द पिउने पानीको लागि पञ्चधारा निर्माण गरिएको छ । यस्तै संगठनले श्री सत्य साई बाटिका र सत्य साई प्रतिक्षालय पनि हस्तान्तरण गरेको छ । हस्तान्तरण कार्यक्रम प्रदेश सभा सांसद बिजय सुबेदीको प्रमुख आतित्यथामा सम्पन्न भएको हो ।

कार्यक्रममा भरतपुर सरकारी अस्पतालका मेसु डा कृष्ण पौडेल र भरतपुर महानगरपालिका ७ का वडाध्यक्ष राजेन्द्र मणी काफ्ले बिशिष्ठ अतिथी रहनु भएको थियो ।कार्यक्रमका प्रमुख अतिथी सांसद सुबेदी र संगठनका केन्द्रिय सदस्य रुपा सेढाईको उपस्थितीमा संगठनका परियोजनाकार एवं संयोजक मनिष सापकोटाले अस्पतालका मेसु डा पौडेललाई जल मन्दिरको चाबी हस्तान्तरण गरेका हुन् ।

हस्तान्तरण कार्यक्रममा बोल्दै प्रमुख अतिथी सांसद सुबेदी संगठनले सामाजिक भावनाले गरेको कामको प्रसंशा गरे । सुबेदीले सबै धर्मलाई जोड्ने मन्दिर बनाएकोमा संगठनलाई धन्यवाद समेत दिए । उनले यो सेवाको मन्दिर भएको बताउदै सबै ठाउँमा यस्तो मन्दिर स्थापना गर्नु पर्ने जरुरी रहेको बताए ।

अस्पतालका मेसु डा पौडेलले संगठनको कामको प्रसंशा गर्दै यसले अस्पातललाई नयाँ रुप दिएको बताए । यस्तै उनले संगठनले बनाएको जल मन्दिर, बाटिका र प्रतिक्षालयको संरक्षण अस्पतालले गर्ने प्रतिबद्दता गरेका छन् ।

वडा ७ का अध्यक्ष काफ्लेले संस्थाले अत्यन्तै इमान्दारिताको साथ कार्य सम्पन्न गरेको भन्दै आभर प्रकट गरेका छन् । काफ्लेले मानव सेवा नै मानव सेवा हुने भन्दै आगामी दिनमा पनि यस्तै सेवाको कार्य गर्न संगठनलाई शुभकामना दिएका छन् ।

संगठनका मेडिकल निर्देशक लोक बहादुर सेढाईले पानीको कारण धेरै रोग निम्तिने गरेको बताएका छन् । उनले संगठनको यो कार्यले अब हस्पिटलमा आउने बिरामी र अन्य ब्यक्तीहरुले शुद्द पिउने पानी प्राप्त गर्ने बताएका छन् । यस्तै उनले यस्ता मानवहितको कार्यका लागि संगठन सधैं तत्पर रहन बताएका छन् ।

संगठनका परियोजनाकार एवं संयोजक मनिष सापकोटाले काठमाडौं पछीको बिरामीहरुको चाप धेरै हुने अस्पतालमा शुद्द पिउने पानीको अभाव रहेकोले जल मन्दिर निर्माण गरिएको बताएका छन् । उनले अस्पतालमा निम्न आय स्तर भएका बिरामीहरु जाने र उनीहरुले शुद्द पिउने पानी सहजै नपाउदा उनिहरुको स्वास्थ्यमा झनै समस्या आउने गरको बताए । ‘देशका बिभिन्न स्थानबाट निम्न आय स्तर भएका बिरामीहरु आउनु हुन्छ । कतिपय सँग त पानी किनेर खाने क्षेमता समेत हुँदैन । पानी किने औषधी किन्न समस्या, औषधी किने पानी किन्न समस्या हुन्छ । त्यसैले सबैले सहज रुपमा शुद्द पानी पिउन पाउन भनेर नै जल मन्दिर स्थापना गरिएको हो – सापकोटाले भने ।’ सापकोटाले आफु अस्पताल पुग्दा यो सब समस्या देखेको र त्यस बेला नै जल मन्दिर निर्माण गर्ने योजना बनाएको सुनाए ।

उनले मन्दिर आँफैमा शुद्द ठाउँ हुने र पानी शुद्द तरिकाले राख्न जल मन्दिरको परिकल्पना गरी निर्माण गरिएको बताएका छन् । उनले जल मन्दिरमा ५ वटा धारा रहेको जनाकारी दिएका छन् । पाँचै वटा धारालाई नामाकरण गरिएको छ। पञ्चधारालाई सत्य, धर्म, शान्ती, प्रेम र अहिसां नाम दिईएको छ । यो पाँच नामले सबै धर्म एकै हो भन्ने सामाजिक चेतना जगाउने समेत विश्वास ब्यक्त गरेका छन् ।

उनले अहिले सम्म कही पनि यसरी जल मन्दिर निर्माण नभएको बताउदै महाकवी लक्ष्मी प्रसाद देवकोटाको कबिता कुन मन्दिरमा जान्छौ यात्राी ‘कुन मन्दिरमा जाने हो ’ अब ‘जल मन्दिरमा जाउ यात्राी यात्रा जल मन्दिरमा जाने हो’ भएको बताएका छन् । यस्तै उनले बाटिका र प्रतिक्षालयको अस्पताल र संस्थाले नियमित रुपमा रेख देख गर्ने समेत बताएका छन् ।

संगठनकी सदस्य एवं समाजसेवी ममता शर्मा न्यौपानेले यस्ता सेवाको कार्य सधैं संस्थाको प्राथमिकतामा रहने बताएकी छिन् । यस्तै उनिले शिक्षा, स्वास्थ्य र शुद्द पिउने पानीका लागि संस्था सधैं अग्रसर रहने बताईन् । जल मन्दिर, बाटिका र प्रतिक्षालय लगायतको परियोजनाका १० लाखको लागतमा निर्माण भएको निर्माण समिती संयोजक सञ्जय बरालले जनाकारी दिए ।

Comments

comments